Nuutste blog van 4aKid
Volgens Missing Children South Africa , 'n kind word elke vyf uur in Suid-Afrika vermis. Gelukkig, volgens hul statistieke, word 77% van kinders gevind. Ongelukkig beteken dit dat ten minste 23% van die kinders nie gevind word nie.
“Mensehandel neem teen 'n kommerwekkende tempo toe, maar dit is net een van die redes waarom kinders ontvoer word. Kinders word ook dikwels deur lede van hul eie familie geneem. Hoe dit ook al sy, die risiko van ontvoering moet nie ligtelik opgeneem word deur enige ouer, enige plek nie,” sê 1st for Women Insurance se woordvoerder, Casey Rousseau.
Jy kan jou kleinding veilig hou met hierdie wenke:
- Moenie haar naam op haar klere of 'n rugsak plaas nie. As jy haar klere vir skool moet merk, merk dit eerder aan die binnekant waar dit nie maklik sigbaar is vir vreemdelinge nie. Kinders vertrou dikwels volwassenes wat hul naam ken.
- Leer jou kleinding om nie net te skree as ’n vreemdeling haar vat nie, maar om hulp of iets soortgelyks te skree. Kleuters skree dikwels in winkelsentrums selfs wanneer hul ouers hulle oplaai.
- Leer jou kind om nie geskenke of lekkers van vreemdelinge te aanvaar nie. Hulle moet altyd eers met jou kyk.
- As jou kind oud genoeg is, leer haar jou naam, van en telefoonnommer. Selfs jou naam en van sal help as sy in ’n winkelsentrum verdwaal. Op dié manier sal sy vir sekuriteit kan sê wie haar ouers is.
- Moet nooit jou kind sonder toesig los nie – selfs nie in die speelarea van 'n restaurant nie. Maak altyd seker dat jy te alle tye oë op haar het.
- Moet nooit 'n vreemdeling vra om jou baba vas te hou nie, selfs nie vir 'n sekonde nie.
- Moet nooit jou kind alleen in 'n motor of in 'n stootwaentjie los nie – selfs nie vir 'n minuut terwyl jy jou rug draai om na 'n item agter jou te kyk nie.
- Maak seker jou kleinding weet in wie se kar sy kan klim en dat sy moet skree en weghardloop as ’n vreemdeling haar in ’n kar probeer dwing.
- As jy gereël het dat iemand anders jou kind by die dagsorg of voorskool kom haal, bespreek hierdie reëlings met jou kind en die onderwyser.
- Belê in 'n GPS-opsporingstoestel. Kleuters is baie besig en dis nie moeilik om hulle uit die oog te verloor nie – veral in besige winkelsentrums.
deur Xanet Scheepers
.
