Deeg bestanddele:
- Twee koppies meel
- Een eier
- 'n Halwe koppie suiker
- Twee teelepels bakpoeier
- 125 g botter
- N knippie sout
Om die deeg te maak:
- Verroom die botter en suiker goed saam en voeg die eier by, voor goed geklits word.
- Voeg al die ander bestanddele by, maak 'n stywe deeg.
- Druk in een of twee ronde koekpanne, of tertbakkies, en bak by 180 grade Celsius tot ligbruin.
Vulselbestanddele:
- Vier en 'n half koppies melk
- Twee en 'n halwe eetlepels mielieblom
- Een koppie suiker
- Drie eiers
- N knippie sout
- Twee en 'n half eetlepels meel
- Een teelepel vanieljegeursel
- 'n Groot lepel botter
Om die vulsel te maak:
- Bring melk tot kookpunt.
- Klits die eiers goed en voeg suiker, meel, mielieblom en sout by.
- Meng goed. Gooi kokende melk by die mengsel en roer goed.
- Keer terug na stoof en roer goed tot mengsel verdik. Voeg botter en vanieljegeursel by en gooi in gaar dop.
- Laat afkoel in die yskas (jy hoef nie die tert verder gaar te maak nie).
- Om te versier, strooi kaneel oor.
- Bron Ouma Muis se huis
Bron: https://resepte.net
