'n Ware Suid-Afrikaanse gunsteling met 'n versnit van soet en sout smake!
Voorbereidingstyd: 15 minute
Kooktyd: 40 minute
Dien: Maak 1 groot koek
Bestanddele:
- 125 ml (100 g) suiker
- 250ml (140 g) Sneeuvlokkoekmeel
- 10ml bakpoeier
- 2ml sout
- 125ml melk
- 30ml botter of margarien
- 2 ekstra groot eiers
- Bolaag
- 60g botter of margarien
- 45ml Marmite
- 60 ml (25 g) fyn gerasperde cheddarkaas
Metode:
- Klits eiers en suiker saam tot lig en romerig.
- Sif meel, bakpoeier en sout saam en vou by eiermengsel in.
- Verhit melk en botter in 'n klein, swaarboomkastrol. MOENIE kook nie; roer tot botter gesmelt is. Verwyder van hitte en roer mengsel by beslag.
- Skep mengsel in 'n gesmeerde 23 cm oondvaste tertbak. Bak in ’n voorverhitte oond van 180 °C vir sowat 40 minute, of tot gaar. Haal koek uit oond. Prik met 'n vurk.
- Bolaag: Smelt botter en Marmite saam in die mikrogolfoond en giet oor warm koek. Sprinkel gerasperde kaas oor en sit warm voor.
Bron: Snowflake
